05 Шілде, 2020
133397
Атырауда «Домбыра – дала даусы» онлайн-конкурсының жеңімпаздары марапатталды
15 маусымда басталған «Домбыра-дала дауысы» атты онлайн байқауы бүгін Атырау облысы Достық үйінде қорытындылады. Қазақстан халқы Ассамблеясының 25 жылдығына және «Ұлы домбыра» күніне арналған байқауға қатысқан этнос өкілдері марапатталды.
«Байқаудың мақсаты - қазақтың ұлттық құндылықтарының бірі, ғасырлар бойы әрбір қазақ отбасының төрінен орын алып келе жатқан қасиетті қара домбыраның мәртебесін көтеру, оны жасаушы шеберлердің өнерін жандандыру. Сондай-ақ, Атырауда тұратын этнос өкілдерінің ұлттық құндылықтарға деген қызығушылығы мен мен құрметін ояту», - деді Атырау облысы ҚХА «Қоғамдық келісім» мекемесінің басшысы Жанар Ильясова.
Облыс деңгейінде этнос өкілдері арасында алғаш рет ұйымдастырылып отырған байқауға 10-нан астам өтініш келіп түсті.
Байқау шарты бойынша қазылар алқасы мүшелері әр қатысушының орындау шеберлігін, киім үлгісін, тақырыпқа сәйкес таңдалған ән репертуарын бағалады.
Сонымен қатар, домбырада еркін ойнап білген этнос өкілдерінің бейнежазбаларының барлығы Атырау облысы «Қоғамдық келісім» мекемесінің фэйсбук, инстаграм желілерінде жарияланып, көрермен таңдауы да (лүпіл саны) ескерілді.
Байқауға қатысқан ең жас қатысушы 8 жаста. Әр қатысушы көпшілікті қазақ күйін шебер орындаумен тәнті етті. Әсіресе, Құрманғазы күйлерін орындаған орыс, украин, корей, литвалық ұлт өкілдері домбыраның үнін таза, қоңыр, тембрі жұмсақ, құлаққа жағымды етіп ойнай алды.
Әлеуметтік желіде ең көп лүпілді жинаған және қазылар алқасы мүшелерінің шешімімен «Балбырауын», «Ақсақ киік» күйлерін орындаған орыс ұлтының өкілі, Жылыой ауданының тұрғыны Роман Андрианға 1-ші орын берілді. Ал, екінші орынды Құрманғазы ауданында тұратын литвалық Ирина Алексюнайте және Михаил Вязниковцев, ал 3-ші орынды кәріс ұлтының ұлы Ли Иван және венгрлік Руслан Вербовтар жеңіп алды. Атырау облысы Қоғамдық келісім мекемесі атынан жеңімпаздар Диплом және ақшалай сыйлықпен марапатталды. Ал, өзге байқау қатысушыларға мекеме атынан алғыс хаттар табысталды.
Қазақстан Халқы Ассамблеясының 25 жылдығына орай ұйымдастырылған аталмыш байқауда «Былина» орыс этномәдени бірлестігінің төрағасы Андрей Кораблев демеушілік танытып, байқау қатысушыларына өз атынан естелік сыйлықтарды табыстады.
Марапаттау рәсімін байқау қатысушылары және қазылар алқасы мүшелері қазақтың ұлы домбырасында қазақ күйін орындауымен аяқтады.
Ұқсас жаңалықтар
-
«Жүректен жүрекке» акциясы аясында ҚХА Республикалық және өңірлік штабтарының онлайн отырысы өтті
-
ҚХА кафедрасының Минскіге ресми сапары
-
Алматы қаласындағы республикалық Достық үйінің ұйымдастыруымен Ұлттық құрылтай отырысына қатысушылармен республикалық онлайн семинар өтті
-
Қарағандыда ҚХА Аналар кеңесінің төрағасы Назипа Ыдырысқызының қатысуымен бірқатар іс-шаралар өтті
-
Атырауда «Сәлем, Көктем» атты қайырымдылық концерті өтті
-
ҚХА Төрағасының орынбасары Акбаржон Исмаиловтың Рамазан айының басталуымен құттықтауы
30 Сәуір, 13:06
Болашақ сарайында Қазақстан халқының бірлігі күніне арналған салтанатты іс-шара өтті
1 Мамыр, 09:59
Мемлекет басшысы Қасым-Жомарт Тоқаевтың Қазақстан халқының бірлігі күнімен құттықтауы
1 Мамыр, 10:00
Қазақстан халқы Ассамблеясы Төрағасының орынбасарының Қазақстан халқының бірлігі күнімен құттықтауы
30 Сәуір, 16:19
«Күш – бірлікте» тақырыбында мектеп омбудсмендеріне арналған семинар өтті
2 Мамыр, 19:07
Алматы облысы су тасқынынан зардап шеккен өңірлерге гуманитарлық көмектің кезекті бөлігін жіберді
Ұқсас жаңалықтар
-
«Жүректен жүрекке» акциясы аясында ҚХА Республикалық және өңірлік штабтарының онлайн отырысы өтті
-
ҚХА кафедрасының Минскіге ресми сапары
-
Алматы қаласындағы республикалық Достық үйінің ұйымдастыруымен Ұлттық құрылтай отырысына қатысушылармен республикалық онлайн семинар өтті
-
Қарағандыда ҚХА Аналар кеңесінің төрағасы Назипа Ыдырысқызының қатысуымен бірқатар іс-шаралар өтті
-
Атырауда «Сәлем, Көктем» атты қайырымдылық концерті өтті
-
ҚХА Төрағасының орынбасары Акбаржон Исмаиловтың Рамазан айының басталуымен құттықтауы