Л.Н. Гумилев атындағы ЕҰУ-гі Қазахстан халқы Ассамблеясыныңкафедрасы Беларусияның Минск қаласына жұмыс сапарымен барды. Ресми сапар аясында Минскідегі Абай атындағы Қазақстан-Беларусь орталықтарымен М.Әуезов атындағы №143 мектепте болды.

Сапар барысында жоғары оқу орындары арасындағы ынтымақтастықтың маңызы талқыланды. Ғылым, этносаралық келісім мен азаматтық белсенділікті зерттеу мәселелері бойынша ынтымақтастықты нығайту мәселелері қаралды.

Минскіде қазақстандық делегация Абай атындағы орталық және педагогикалық университет жанындағы Қазақ мәдениеті орталығында болып, қазақ мәдениетінің өркендеп келе жатқанын айта кетті. Аталған мекемелерде әр келген қонақтарға арналған қазақтың ұлттық киімдерінің гардеробы бар. Мұнда келген барлық қонақтар қазақ костюмдерін киіп, салт-дәстүрмен танысады.

Пленарлық отырыста Гумилев университеттің ректоры Ерлан Сыдықов мемлекетаралық консорциумды дамытудың, еліміздің жастарын тарта отырып, қосымша ғылыми алаңдар құрудың маңыздылығына тоқталды.

Бұл бірлескен зерттеулердің барлық бағыттары бойынша ынтымақтастықты кеңейтетін бірегей жоба. Консорциум алаңында жұмыс істейтін 28 қазақстандық ЖОО-ының жартысында гуманитарлық ынтымақтастықты, халықтық дипломатияны іске асыруға қатысуға қабілетті ҚХА кафедралары бар.

Айта кету керек, ел президенттерінің тапсырмалары бойынша құрылған 28 қазақстандық және 36 Беларусь университеттері мен ҒЗИ-дан тұратын Ғылыми-білім беру консорциумының әлеуеті зор.

Л. Н. Гумилев атындағы ЕҰУ ҚХА кафедрасының меңгерушісі Наталья Калашникова Ассамблея қызметі туралы, оның мақсаты мен бағытын, ғылыми зерттеу қызметі туралы сөз сөйледі. Қазақстанның белгілі қоғам қайраткері өз сөзінде білім беру ынтымақтастағы туралы айтты.

Кейін қарай