2023 жылғы 2 маусым күні Қазақстан халқы Ассамблеясы Төрағасының орынбасары – Хатшылық меңгерушісі Марат Әзілханов Қазақстан Республикасының Мемлекеттік рәміздері күніне орай, Алматы қаласындағы республикалық Достық үйіне барды.

Салтанатты іс-шараға ҚХА қоғамдық құрылымдарының басшылары мен мүшелері және Алматы қаласы Қазақстан Жазушылары кітапханасының өкілдері, «Кайдзен» жастар ұйымының белсенділері, «Ассамблея жастары» РҚБ мүшелері және БАҚ өкілдері қатысты.

Сапар аясында Қазақстан Республикасы Мемлекеттік рәміздерінің тарихы мен маңызы туралы кітаптар мен фотоальбомдар көрмесі ұйымдастырылды.

Іс-шара барысында Марат Әзілханов өз сөзінде «Мемлекеттік рәміздер – еліміздің дербестігін, егемендігін күллі әлемге танытушы әрі мемлекетіміздің өткені мен бүгіні және болашағы арасындағы сабақтастықтың бірден бір көрінісі. Сонымен қатар рәміздер – халқымыздың мұқалмас рухын, қаһармандығы мен даналығын, асқақ арман-тілегін жеткізетін құнды символдар және тәуелсіздігіміздің басты құндылығы, бейбітшілік пен бірлікті, қоғамдық келісімнің айқын белгісі» - деп рәміздердің мән-маңызын атап өтті.

М.Әзілханов рәміздерді басты құндылығымыз ретінде қорғау, рәміздерге терең құрмет сезімін арттыру мен қазақстандық патриотизмге тәрбиелеу мәселелеріне тоқталды.

Сонымен қатар іс-шара аясында «Не? Қайда? Қашан?» викторинасы ұйымдастырылды. Ойын барысында қатысушыларға Қазақстан Республикасы Мемлекеттік рәміздеріне қатысты сұрақтар қойылды.

Іс-шара соңында, М.Әзілханов ұпай саны бойынша озып, жеңімпаз атанған «Ассамблея жастары» РҚБ командасына арнайы сыйлықтар табыс етті.

Кейін қарай