Оқу жылының басталуымен «толеранттылық мектебі» жаңа идеялармен, қызықты тренингтермен, шеберлік сыныптармен және пайдалы дәрістермен жұмысқа қайта оралды.

Алайда мақсаттар өзгеріссіз қалды - жас ұрпақпен байланыс орнату, білім беру қызметін жүргізу, жас белсенділерге өз жолдарын табуға және өзін-өзі дамытудың барлық тетіктерін ашуға көмектесу. Іс-шараға жоғарғы оқу орын студенттері, ШҚО ҚХА еріктілері қатысты.

Кезекті кездесуде оқушылар спикерлермен бірге кең ауқымды мәселелерді талқылады, соның ішінде ұлы философ және ағартушы Абай Құнанбаевтың мұрасы туралы сөз қозғап, оның шығармаларының әрқайсымыздың өмірімізбен тығыз байланысын көрсетті.

- Халық данышпанының шығармашылығы Отанға деген сүйіспеншілікке толы. Өз өлеңдерінде ол қазақстандық табиғаттың сұлулығын жырлап, сол арқылы патриоттық сезімді оятты. Ол өз ұрпақтарын адамгершілікті, ізгілікті сақтауға және, ең бастысы, жұмыс істеуден қорықпауға шақырды.

«Мен жас ұрпақтың ойшылдың шығармашылығына қызығушылық танытып, оның «нұсқауларын» орындауға тырысатынына өте қуаныштымын», – деп атап өтті тарих ғылымдарының кандидаты, ШҚО ҚХА ҒСТ төрағасы – Нелли Краснобаева.

Сондай-ақ, жастар саясатының мәселелері мен перспективалары қарастырылды, волонтерлік тақырыбы егжей-тегжейлі баяндалды.

Өз сөзінде ШҚО Азаматтық Альянсынан Ольга Бобрышева мен Руфит Ахмедзянов мемлекеттік гранттар туралы, өз жобаларын тек республикалық деңгейде ғана емес, халықаралық дәрежеде де ілгерілету мүмкіндіктері туралы айтып, қатысушыларға конкурсқа қатысу үшін өтінімдерді қалай дұрыс қалыптастыру керектігін үйретті. Іс-шара сертификаттарды дәстүрлі тапсырумен аяқталды.

Кейін қарай