Қарағанды облысы Қазақстан халқы Ассамблеясы Құрбан айт мерекесінің алғашқы күні «Мың алғыс!» жалпыреспубликалық акциясын өткізді.

Акция барысында Ассамблея мүшелері қаламыздағы психоневрологиялық науқас балаларға арналған әлеуметтік мекемеге барып, медицина қызметкерлері мен емделушілерге азық-түлік себеттерін және антисептикалық заттар үлестірді.

Акция қасиетті Құрбан айт мерекесінде халықты қайырымдылыққа шақыруға, төтенше жағдай кезіндегі көмекке мұқтаж жандарға жәрдем беруге бағытталған. Сауапты істе атсалысқан этномәдени бірлестіктер, Аналар кеңесі, «Жаңғыру жолы» жастар қозғалысының өкілдері мекеме қызметкерлері мен науқас балаларға моральдық тұрғыда да қолдау көрсетті. Өз кезектерінде олар да алғыстарын айтып, ризашылықтарын білдірді.

Бұдан бөлек, Ассамблея құрылымдарының өкілдері көпбалалы және аз қамтылған отбасылардың балаларына оқу жылы қарсаңында мектепке арналған құрал-жабдықтар да таратты. Аналар кеңесінің төрайымы Жанар Кенжеғалиева:

– Рухани тазалық пен мейірімділіктің бастауы, елдің ынтымақ-бірлігін күшейтіп, қайырымдылық қасиеттерді, достық қарым-қатынастарды арттыратын, бауырластық пен қамқорлық танытуға үндейтін Құрбан айт мейрамында жасалған осынау игі шара еліміздегі төтенше жағдай кезіндегі нағыз жанашырлықтың үлгісі деп білеміз, - дейді.

Қайырымдылық шаралары – Ассамблеяның негізгі бағыты. Қарағанды облысы Ассамблея өкілдері үш мыңнан астам адамға 10 млн. теңге көлемінде көмек көрсеткенін атап кетейік.

Кейін қарай