Қазақстан халқы Ассамблеясы

23 Қазан, 2020

368

ҚХА «Ұлы Даланың ұлтаралық тілі» бірінші республикалық конгресін өткізбек

2020 жылы 23 қазанда сағат 11.00-де Алматы қаласының Достық үйінде (Құрманғазы көш., 40) Қазақстан халқы Ассамблеясының мемлекеттік тілді оқыту бойынша «Ұлы Даланың ұлтаралық тілі» атты бірінші республикалық конгресі өтеді.

Іс-шараға Қазақстан халқы Ассамблеясы Төрағасының орынбасары – Хатшылық меңгерушісі Ж.Түймебаев, ҚР Ақпарат және қоғамдық даму вице-министрі М.Әзілханов, филология мен лингвистика саласының сарапшылары, қоғам қайраткерлері, тіл жанашырлары, Ассамблея мүшелері, этномәдени және жастар бірлестіктерінің өкілдері қатысады.

Конгресс толығымен қазақ тілінде өтеді, спикерлер ретінде мемлекеттік тілді меңгерген өзге ұлт өкілдері мен этномәдени бірлестіктердің мүшелері сөз сөйлейді.

Іс-шара барысында мемлекеттік тілді еркін меңгерген өзге ұлт өкілдері тіл үйрену тәжірибесімен бөлісіп, мемлекеттік тілдің қолданылу аясын кеңейту жолдары туралы өз ұсыныстарын ортаға салады.

Конгресс соңында Қазақстан халқына үндеу жарияланады деп жоспарлануда.

Кейін қарай