28 Қаңтар, 2020
1405
Ассамблея қайырымдылық істерді қолдайды
Қазақстан халқы Ассамблеясы Төрағасының орынбасары – Ассамблея Хатшылығының меңгерушісі Жансейіт Түймебаев «Клуб Добряков» еріктілер қозғалысының негізін қалаушы қоғам белсендісі Гүлмира Абдрашевамен кездесті.
Аталмыш қоғамдық ұйым алғашқы рет 2016 жылы Инстаграм әлеуметтік желісінде таныла бастаған болатын. Кейін әлеуметтің әлеуетін арттыруды көздеген топтың ісі халық тарапынан қолдау тауып, ол көмекке мұқтаждар мен қолұшын созушылардың басын қосқан клубқа айналды.
Кездесу барысында Гүлмира Абдрашева «Клуб добряков» қайырымдылық қозғалысының жұмысы, аймақтардағы еріктілер топтарының құрылуы туралы айтып берді.
Қазақстан халқы Ассамблеясының да алғаш құрылған уақыттан бастап Елбасының бастамасымен қайырымдылық істердің ұйытқысы болып келе жатқаны белгілі.
Аймақтардағы Достық үйлерінде осы жылдың қаңтар айынан Ассамблеяның еріктілер қозғалысының орталықтары құрылып, жұмыс жасауда. Олардың қызметін бірдейлендіру мақсатында ҚХА еріктілер қозғалысын дамыту Тұжырымдамасы әзірленді. Бүгінде еліміздің барлық аймақтарында 30 еріктілер орталығы бар.
Бұл тұрғыда Ассамблеяның бастамасына қолдау таныта келген Гүлмира Абдрашева волонтерлық дағдыны бала бойында ерте жастан қалыптастыру мақсатында «Қайырымдылық дәрістерін» оқыту керек деген өз ұсынысын айтты.
Жансейіт Қансейітұлы сондай-ақ, Г.Абдрашеваның Ассамблеяның еріктілер қозғалысымен ынтымақтастықта жұмыс жасау туралы ұсынысын қабыл алып, бірлескен әлеуметтік қайырымдылық жобаларын жүзеге асыру туралы келісімге келді.
Кездесу соңында Жансейіт Түймебаев жеті жылдан бері қоғам жұмысына белсене араласып, қайырымдылық шаралардың бел ортасында келе жатқан Г.Абдрашоваға Ассамблеяның Алғыс хатын тапсырды.
Ұқсас жаңалықтар
-
Қазақстан халқы Ассамблеясы Төрағасының орынбасары Ораза айт мерекесімен құттықтауы
-
Қазақстан халқы Ассамблеясы гуманитарлық көмек қабылдау және еріктілерінің жұмысын үйлестіру орталықтары
-
Ерлан Қарин: Қазақстан халқының Ассамблеясы тарапынан айтарлықтай көмек көрсетіліп отыр
-
«Мемлекеттік тілдің мәртебесін көтеруде Қазақстан халқы Ассамблеясы құрылымдарының рөлін арттыру» тақырыбымен ZOOM-конференция өтті
-
Қазақстан халқы Ассамблеясы су тасқынынан зардап шеккен өңірлерге көмек көрсетуді жалғастыруда
-
Бейбітшілік және келісім сарайында Қазақстан халқы Ассамблеясы Кеңесінің кеңейтілген отырысы өтті
Ұқсас жаңалықтар
-
Қазақстан халқы Ассамблеясы Төрағасының орынбасары Ораза айт мерекесімен құттықтауы
-
Қазақстан халқы Ассамблеясы гуманитарлық көмек қабылдау және еріктілерінің жұмысын үйлестіру орталықтары
-
Ерлан Қарин: Қазақстан халқының Ассамблеясы тарапынан айтарлықтай көмек көрсетіліп отыр
-
«Мемлекеттік тілдің мәртебесін көтеруде Қазақстан халқы Ассамблеясы құрылымдарының рөлін арттыру» тақырыбымен ZOOM-конференция өтті
-
Қазақстан халқы Ассамблеясы су тасқынынан зардап шеккен өңірлерге көмек көрсетуді жалғастыруда
-
Бейбітшілік және келісім сарайында Қазақстан халқы Ассамблеясы Кеңесінің кеңейтілген отырысы өтті