Алматы облысының әкімі Амандық Ғаббасұлы Баталовтың шешімімен Сандуғаш Елубайқызы Дүйсенова «Достық Үйі - Қоғамдық келісім орталығы» КММ директоры болып тағайындалды.

С.Дүйсенова 1968 жылда Талдықорған қаласында дүниеге келген. Әл-Фараби атындағы Қазақ мемлекеттік Ұлттық Университетің «журналистика» мамандығы бойынша бітірген.

Әр жылдары республикалық және облыстық БАҚ-да журналист болып жұмыс істеді. «Желтая газета» қоғамдық-саяси газетінің директоры-бас редакторы болған.

Сандуғаш Дүйсенова қайырымдылықпен, әлеуметтік жобаларды жүзеге асырумен айналысады. Әлеуметтік жағдайы төмен отбасыларға, көп балалы аналарға, қараусыз қалған қарттарға, ата-анасы тастап кеткен жетімдерге кәсіпкерлер тауып көптеген көмек көрсетуде. Сандуғаш Елубайқызының табандылығы мен өткірлігін, іскерлігі мен адамгершілін ерекше бағалауға болады.

Жетісу жұртшылығы Сандуғаш Елубайқызын баспасөзінің шынайы жанашары, майталман журналисті, халқына қызмет етудің үлкен үлгісін көрсеткен тұлға деп біледі.

Естеріңізге сала кетейік, ағымдағы жылдың 6 тамызында Алматы облысы Қазақстан халқы Ассамблеясы «Достық Үйі – Қоғамдық келісім орталығы» КММ директоры Тәңірберген Қасымберкебаевты зейнеткерлік демалысқа салтанатты түрде шығарып салған еді.

Кейін қарай